Húsreglur

BÓKANIR/REGLUR:

Koma og brottför er kl: 14.00

Hægt er að leigja allt húsið eða einstök svefnpláss.
Eftirfarandi tímabil er eingöngu opið fyrir að leigja svefnpláss í húsinu:

Vetrarfrí og helgar fyrir og eftir.
Páskafrí frá föstudegi fyrir pálmasunnudag t.o.m. annars í páskum.
Haustfrí og helgar fyrir og eftir.

Einungis húsnefnd getur tekið ákvörðun um að leigja allt húsið áðurnefnd tímabil.

Eftirfarandi reglur gilda um leigu á húsinu (reglur hanga uppi í húsinu):

Reykingar eru stranglega bannaðar í húsinu.
Alfarið er bannað að hlaða rafmagnsbíla við húsið.
Húsinu skal skilað hreinu og leigutaki er ábyrgur fyrir þrifum og að húsreglum sé fylgt. Verði misbrestur á þessu áskilur Íslendingafélagið í Oslo sér rétt til að krefja leigutaka um greiðslu sem nemur þeim kostnaði sem skortur á þrifum hefur í för með sér fyrir félagið.
Við brottför skal alltaf loka fyrir vatn, stilla ofna og varmapumpu eins og leiðbeiningar sem hanga uppi í húsinu segja til um.
Leyfilegt er að hafa hunda í húsinu þegar allt húsið er bókað eða ef allir sem eiga bókað eru samþykkir hundinum. Þeir mega ekki vera í betri stofunni eða uppi í rúmum, öll svæði sem hundurinn hefur verið á skulu vera sérstaklega vel þrifin fyrir brottför.

Húsið á að vera ti búið fyrir næsta leigjanda kl: 14.00 á brottfaradegi. Hægt er að hafa samband við húsnefnd á norefjellhuset@hotmail.com ef óskað er eftir að fá að koma fyrr eða skila seinna, því miður er ekki alltaf hægt að verða við þeirri ósk, fer m.a. eftir aðsókn í húsið.

Þegar bókað er:

Tilgreina fjölda gistiplássa, skiptingu fullorðinna og barna undir 16 ára.
Taka skal fram hvort um félagsmann er að ræða eður ei. Til að geta leigt húsið á verði fyrir félagsmenn, þarf að hafa verið skráður félagi í minnst tvo mánuði og að hafa greitt árgjaldið.
Reikningur er sendur á uppgefið tölvupóstfang leigutaka.
Bókun er ekki staðfest fyrr en greiðsla hefur borist.
Svefnpláss skulu greidd þrem vikum fyrir komu, ef bókað er með skemmri fyrirvara skal greiða strax.
Við bókun á öllu húsinu skal greitt tveimur mánuðum fyrir komu. Ef bókað er innan við tveimur mánuðum fyrir komu, skal greiða reikning eigi síðar en tveimur vikum eftir að hann er sendur.
Reikningur skal alltaf vera greiddur er leiga hefst.
Sá/sú sem er skráð fyrir bókuninni er ábyrgur fyrir greiðslu og ber persónulega fulla ábyrgð á húsinu. Berist greiðsla ekki innan setts tíma fellur pöntunin niður.
Kóði fyrir lás á hurð er sendur á leigutaka fyrir komu í húsið.